溫碧霞封后向金像獎進發

東方日報
溫碧霞期待新一年有更多發揮機會,演藝事業再進一步。

女星溫碧霞(Irene)主演的英皇電影《墮落花》屢獲佳績,早前獲越南「The Best Movie Icon」獎,又入圍今屆香港亞洲電影節「隆重呈獻」環節及澳洲「第十屆金拉考國際華語電影節」,最近Irene更在「第八屆絲綢之路國際電影節」中獲得「最佳女主角」一獎,成績美滿。

Irene表示電影入圍了多個影展已很滿足,這次獲得影后獎項更是錦上添花:「我依家喺峇里島聽到呢個消息超開心!不過有啲可惜,因為咁啱我約咗屋企人度假,所以冇去到呢個影展,冇親手攞個獎,好多謝楊生(英皇集團主席楊受成)畀機會我拍呢部戲。」

她感激整個英皇團隊都很錫她,並表示一定要多謝丈夫多年來的支持:「係佢話畀我聽『你得(口架)』,所以我先至咁堅持去做我自己,一定要多謝佢!」

隨緣心態 開心加倍

問到是否為角逐今年香港電影金像獎最佳女主角打下強心針?Irene承認有信心,但一切隨緣:「依家攞咗呢個獎,對我嚟講已經係一個好大好大嘅支持同鼓勵,金像獎方面都係隨緣,所有嘢交畀上天,唔需要太介意。用一種好隨緣嘅心態,當你攞到嘅時候就會雙倍開心。」