溫碧霞大宅失守 賊仔掘窿潛入

東方日報
溫碧霞自爆有賊入屋,幸而工人發現得早,未有任何財物損失。


藝人溫碧霞前晚出席活動,自爆早前有賊入屋!賊人從其大宅的後花園斜坡底「掘窿」潛上來偷竊,幸而未有任何損失,不過已教她「嚇餐死」,揚言要加強家居防盜。


藝人陳豪、陳展鵬、王浩信、馬德鐘、郭晉安、陶大宇、楊怡、陳煒及溫碧霞等,前晚雲集九龍灣出席品牌活動,場面星光熠熠。性感現身的溫碧霞,自爆西貢寓所早前遭賊人入屋,她說:「當時我哋成家去咗旅行,突然接到工人電話,話佢喺廳見到有個男人企喺度,佢一見到我工人就從花園逃去,應該冇偷到嘢。」她第一時間遙控工人報警求助:「因為當時我哋未返,所以問警方可唔可以加強巡邏,佢哋就幫我哋Set咗警鐘,後來先發現原來個賊喺花園斜坡底掘窿上嚟,真係好恐怖,以後出門都要留人睇門口。」


陳煒期望樓價再跌


而「民間視后」陳煒稱近日忙拍無綫新劇《法證先鋒IV》,並感謝該劇監製梅小青肯度期給她「搵真銀」,得獎後可以借勢吸金,問到是否銀包腫脹?她說:「人唔肥咪得囉。(送乜禮物獎勵自己?)買樓,睇吓年中執唔執到平嘢。」問到揀樓先決條件,她笑言:「同揀男友一樣,要實用唔要花巧。」


吳卓羲洗車「拗柴」


至於楊怡就孖住郭晉安受訪,二人從《再創世紀》後開始休息,楊怡被追問生仔大計,她說:「都係隨緣啦,其實我同老公(羅仲謙)都好似大細路咁,同我媽咪同住,佢負責照顧我哋。」當記者叫郭晉安「過兩招」生仔秘訣給楊怡,他即說:「緣分嚟。(綁住老婆喺床,所以咁易?)哈哈,返去試吓先!」而同場的吳卓羲則透露早前洗車意外「拗柴」。

陳煒大騷長腿,相當性感。
楊怡與郭晉安老友鬼鬼,難得聚頭密密斟。
四位視帝王浩信(左起)、陳展鵬、馬德鐘及陳豪型格登場,各有捧場客。
吳卓羲透露大年初一會飛加國登台搵銀。

 

是日精選

五大視帝同場鬥型-陳煒揀樓如揀男友-楊怡唔急生b等緣分

師妹菊梓喬爬頭做-姐-吳若希好大方-造畀佢都應該

陳柏宇拒送天價錶寸老婆小器

張達明為仔女抗癌-陪得-日得-日

吳若希晒合照冇菊梓喬份-網民-專登唔影-姐

張建聲成功翻撻前度陳嘉莉-誓言戒媾女-戒偷食

子丹返港表忠心-有國才有家