溫碧霞去峇里冇煩惱

東方日報
溫碧霞盡量抽時間出席影展。

藝人溫碧霞前晚以Tube Top配長裙騷纖腰,出席慈善時裝晚宴,同場還有名模馬詩慧與老公王敏德。馬詩慧擔任Catwalk導師,率領溫碧霞及名媛趙曾學韞等行騷,又親自落場演繹兩套新裝,大玩黑Bra誘惑。

剛從美國紐約探親返港的溫碧霞,將於農曆新年舉家外遊。她指去年忙個不停,有空檔必定陪家人:「新年打算去陽光與海灘嘅地方,例如峇里島好似世外桃源,去到咩煩惱都冇晒。」又開心稱主演兩部電影《墮落花》與《嫌疑者說》入圍多個影展:「《墮》個角色係我近10年最鍾意,因為女性電影愈嚟愈少,當時睇到劇本已好鍾意,如果夾到時間,希望可以飛去影展。」

馬詩慧性感行騷。