湯洛雯裙下滑險露點 羅天宇護花不力

東方日報
湯洛雯條裙愈跣愈低,連膠紙都睇埋險走光。


每年跨年倒數活動都是藝人賺錢好機會,前晚蕭正楠與黃翠如、羅天宇與湯洛雯、袁偉豪及張寶兒等幾對情侶齊集活動,為搵真銀落力晒恩愛!阿蕭與翠如打情罵俏放笑彈,但不及湯洛雯搶鏡,她唱歌時低胸裝愈跌愈低險露點,天宇竟因怕醜冇為女友檢查,認真辦事不力!


藝人蕭正楠(Edwin)及黃翠如、袁偉豪(Ben)及張寶兒、羅天宇及湯洛雯(靚湯)、袁文傑及張潔蓮四對情侶前晚到MCP新都城中心出席《除夕倒數狂歡夜2018》,情侶「合體出騷價」當然比各自加起來更豐厚,眾星為搵真銀非常識做,出盡力晒恩愛,令整個商場瀰漫一片粉紅色浪漫氛圍!


身穿低胸裙的靚湯大方騷白滑肌膚及身材,但上衣愈跌愈低更露出膠紙,瀕臨露點邊緣,她仍不慌不忙繼續獻唱,其後被問到是否上圍縮水?她說:「我都想瘦,係件衫鬆,我已經有抽一抽件衫,好在未跌到去重要部位。」天宇亦覺得牙煙,問為何不幫女友檢查?他怕醜表示到處都有很多人,靚湯即為男友辯護,表示自己也以為沒人察覺。問到新一年有否結婚計劃?靚湯表示正值事業搏殺期,未有打算,但兩人是認真發展,還給天宇9.5分的高分。至於天宇則覺得男士有成就才能計劃結婚,新一年會做好自己,亦大讚女友冇得頂:「佢有100分!(10分滿分喎!)10分滿分有100分!」


蕭正楠叫翠如跪低


另一對情侶Edwin及翠如玩互窒,表示過去節日都要分開工作,今次是首年一同倒數,翠如對Edwin說:「恭喜你見到我!」問Edwin是否減價來配合翠如?他即反擊說:「買一送一(口架)(意指買他送翠如)!」再問有否結婚打算?曾表示由自己負責求婚的翠如說:「再睇吓佢表現啦!」最近Edwin甫了一張「太陽蛋」相片,暗示翠如廚藝有進步,他笑說:「好感慨,唔捨得食,想鑲起佢!(加好多分?)由唔合格變合格。」講到近日的撚手菜式,翠如表示是四川麻辣撈麵,再被取笑非常簡單,Edwin笑說:「何必講出嚟畀人笑呢?我都忍住唔講!」


袁偉豪今年築愛巢


其後原本大會安排Edwin在台上送花給翠如,翠如卻說:「佢之前送過好多次,今次到我送。」Edwin即說:「跪低先啦!」翠如說:「發夢啦你!」笑爆全場!不過之後Edwin都有施冧功,獻唱時向翠如示愛,對她的Fans說:「你哋要錫佢多啲,我都好錫佢!」


至於Ben表示2017年最開心是認識到女友寶兒,雖未有結婚計劃,但希望今年置業築愛巢,並指被女友改變不少:「以前我只係儲啲貶值嘢,好似車、玩具,寶兒(投資)有啲心得,我要學習。」寶兒亦指不心急結婚,會全力支持男友置業。


文:影視組


<!--AD--><div class="footerAds clear">第一手消息請下載on.cc東網<a href="http://itunes.apple.com/hk/app/id349812998?mt=8" target="_top">iPhone/</a><a href="http://itunes.apple.com/hk/app/id387862928?mt=8" target="_top">iPad/</a><a href="http://market.android.com/details?id=com.news.on" target="_top">Android/</a></div><!--/AD-->

羅天宇話人多怕醜,唔敢檢查女友條裙。
黃翠如話撚手煮撈麵,被蕭正楠話講出嚟畀人笑。
袁偉豪計劃今年置業,與張寶兒築愛巢。

 

是日精選

徐若瑄父親病逝-享壽64歲
周杰倫po全家福-家四口澳洲遊艇看煙火

病住都煮到咁-毛舜筠-只有煮得簡單啲
兒子疑出軌-洪金寶-你有無睇到呀
單文柔避談展鵬-私人-由他答
情侶檔大集合-放閃迎新-蕭正楠推job陪翠如-馬明心穎尚欠時機
叱咤-孖林海峰演出-陳奕迅感動唱出叱咤30年
叱咤-謝霆鋒打頭陣-驚喜獻唱全場high爆
葉翠翠宣布再佗b
袁文傑好事近-張潔蓮等求婚
周家蔚洪天明合體去p
孫慧雪-脹-爆行騷同張秀文鬥晒v
湯洛雯裙下滑險露點-羅天宇護花不力