湯洛雯獻第一次同譚俊彥碌大床

東方日報
湯洛雯(左)首次拍床戲,王君馨有否過她兩招?

無綫劇集《失憶24小時》演員譚俊彥、湯洛雯、郭晉安與譚凱琪等昨日為新劇拜神,譚俊彥與湯洛雯繼《法證先鋒lV》後再合作,飾演情侶並有床戲,譚俊彥豪言要挑戰張頴康與馮盈盈在《解決師》中的激情戲尺度,笑說:「場戲應該冇佢哋咁光猛,有啲Mood,喺張床度碌嚟碌去,不過都係電視尺度啫!」湯洛雯則笑言將「第一次」交給對方:「以前拍過咀戲,床戲就第一次,心情唔緊張,我諗係咀戲嘅加強版啫!有佢帶住唔擔心,交畀佢處理。」又表示今次拍喜劇相對沒《法》大壓力,譚俊彥則說:「上次因為對白唔改得,佢成日匿埋一邊背對白唔講嘢,今次啲低B嘢就出晒嚟,我諗緊有冇兄弟啱佢,搵個好啲畀佢啦!」

而郭晉安則與譚凱琪飾演老夫老妻,他說:「TVB福利幾好,成日安排啲靚女畀我,呢啲現實中離我愈嚟愈遠。」又指唯一遺憾是沒有親熱戲;譚凱琪則笑言要無奈接受再做媽媽角色。

譚俊彥(左起)、姜大偉與郭晉安今次合作喜劇,寓工作於娛樂。