湯洛雯大口氣:要荷里活導演搵我

東方日報
湯洛雯雖然冇獎攞,但睇人攞獎都開心。

無綫藝人湯洛雯(靚湯)與鄧佩儀(Gloria)昨日出席明珠台《第92屆奧斯卡》提名日記者會,問到往年有否收看奧斯卡?Gloria表示當時因工作而錯過,今次會坐定定於電視機前捧場。

靚湯笑言睇頒獎禮節目有激勵作用,有意向奧斯卡進發,記者即笑她未曾於無綫頒獎禮攞獎,她說:「眼光要放遠啲,可以跳級嘅。」有份角逐「飛躍進步女藝員」的她,坦言冇獎攞不感意外:「我都叫『老飛』啦!(周嘉洛入行5年就攞獎!)佢好犀利。(你要加把勁?)我要攞奧斯卡,有好多荷里活導演搵我,我要拍《JOKER小丑》第二集。(冇獎攞打擊好大?)有獎攞係支強心針,但冇獎嘅時候都會戥人開心,呢行係要百花齊放。」