湯洛雯今年有喜事?洪永城大讚係好老婆

湯洛雯都搵唔到另一半,咁第個點算…

藝人洪永城(Tony)與湯洛雯(靚湯)為劇集《丫鬟大聯盟》宣傳,提到拍檔黃心穎,靚湯稱:「之前有太多新聞,唔想呢個時候畀太多訊息佢,畀啲空間佢。」Tony指心穎有在群組祝大家新年快樂及希望劇集首播有好成績。講到他有兩劇正在播出,問會否怕觀眾看厭?他笑言不怕,因為自己很多元化:「我有好多唔同性格,而且每套劇都唔同年代,身邊嘅拍檔又唔同。(怕觀眾睇厭定怕女友厭多啲?)女友想見多啲。呢個時候要宣傳劇集,同觀眾見面重要啲。」

另外,Tony大讚湯靚在劇裏劇外都是好丫鬟,因為她經常會幫手相約演員聚會,又指她是好老婆人選,湯靚大爆:「佢成日問我有冇拍拖,我梗係話冇,佢話諗吓有冇人介紹,其實佢唔係第一個人話介紹男仔畀我識,好似劉思希同譚俊彥。(最後有冇介紹?)冇,因為我唔出街。」Tony笑言自己的同性朋友都不喜歡出街,湯靚聞言說:「咁大家喺各自屋企face time啦!」

Tony稱有努力為對方物色對象,又搞爛gag指靚湯欠缺的是「靚湯唔識煲靚湯」,靚湯即反擊指自己叻煲湯。靚湯表示近日做節目,堪輿學家指她紅鸞星動,她無奈地說:「其實年年都話我紅鸞星動,從來唔會話我冇桃花,今年仲話我有喜事,不過我想專注工作先,我唔急。」