湯沛宜唐菲糉葉泳E向葉子楣致敬

東方日報
湯沛宜大讚葉子楣是性感女神。

繽FUN星網節目《玩乜》今集邀得「Double E」湯沛宜(ToTo)與唐菲(Toffee)擔任嘉賓,二人身穿比堅尼大玩遊戲,又越級挑戰前輩葉子楣的糉葉造型,用糉葉做泳衣經典重現,以另類方式慶端午!

今日適逢端午節,繽FUN星網推出節目《玩乜》特別版,由34E湯沛宜激鬥32E唐菲,鬥索鬥創意!同是E Cup身材的二人組成「Double E」,重現性感女星葉子楣的經典糉葉Look,變奏成2020版糉葉泳衣應節。

「Double E」與主持禮賢同學來到相思灣,夏日炎炎,兩位索女急不及待換上比堅尼大騷導彈身材,二人賽前先禮後兵,互幫對方搽太陽油,之後再玩3個小遊戲熱身,原以為是簡單任務,怎料好戲在後頭,要挑戰用糉葉大變身!

鹹水草作點綴

為做好這件應節水着,本是競爭對手的「Double E」化敵為友,商量如何設計,實行比賽第二,友誼第一。二人糉就食得多,用糉葉做泳衣還是第一次,但當然冇被考起。ToTo將糉葉呈V字形攤開,加上鹹水草做蝴蝶結,Toffee則將葉子橫放變Tube Top,各有特色。二人對製成品亦相當滿意,即時名模上身在沙灘行Catwalk。

事後ToTo大讚變裝過程有趣:「雖然天氣好熱,但糉葉有陣清香。(有冇留意葉子楣?)有,佢身材好得嚟腰又幼,記得佢當年個糉葉裝好有話題性。佢係性感女神,我可以重現佢嘅經典,覺得好榮幸!(將來拍戲,有冇佢嘅勇氣拍裸露戲?)要睇劇本,我之前拍過一套電影都幾乎全裸,只係着肉色內褲同乳貼,總之我嘅極限係三點不露。」

願為藝術犧牲

至於Toffee則自覺有藝術氣息:「不過天氣太熱,好難黐實啲糉葉喺身,雖然辛苦,但都值得。」又表示很欣賞葉子楣,大讚她是一代女神及Icon:「要重現佢嘅經典,真係有少少受寵若驚,驚比唔上佢。(會唔會倣效佢拍裸露戲?)如果有好劇本同角色,願意為藝術犧牲,希望好似佢咁成為令人難忘嘅藝人。」

Summer《玩乜》水着大放送

禮賢同學主理的瘋狂遊戲節目《玩乜》,踏入夏季後,將找來一班性感女神,齊齊換上比堅尼同陽光玩遊戲,保證大家目不暇給!

《玩乜》向來以熱鬧搞笑見稱,曾參與的藝人紛紛大讚新奇、有趣及過癮!鬼主意特別多的禮賢同學,每次都有不同點子帶給大家新驚喜,而且他的宗旨是:「玩乜就係玩乜都得,最緊要係開開心心,Peace and Love!」

唐菲(左)與湯沛宜換上糉葉泳衣戲水,格外透心涼。
夏日炎炎,食雪條就最消暑!