湯怡回味青春戀歌入戲

東方日報
提起學生時代的戀情,湯怡依然一臉陶醉。

英皇藝人湯怡在電影《某日某月》再次穿起校服,暪住「母親」邵美琪與原島大地談情說愛。所謂「戲如人生」,現實中的湯怡亦有相似經歷,曾經與暗戀的男生約會留下深刻印象,她憶述在2月14日獲邀約,但當日出街難免會令母親起疑,惟有以與好友出街為藉口:「記得當日大家好開心,佢送咗一個好大好大嘅公仔同一束花畀我,束花我冇拎返屋企,反而拎咗隻大公仔,媽咪覺得我暪住佢拍拖,之後每次出街都問好多嘢,又規定幾點返。」不過她透露這段戀情只維持了三個月,與對方只出過一次街和拖過一次手,最後無疾而終。

問到可有向母親重提這段戀情?湯怡笑說:「過去嘅嘢冇同媽咪提喇!嗰次又唔算有拍過拖。不過以前嘅經歷都會投射到劇情中嘅母女情入面,相對易啲入戲。」

湯怡(左六)之前穿校服出席電影謝票活動。