湛琪清拍戲壓力大 唔想丟甄子丹臉

東方日報
湛琪清炮製了兩款雞尾酒應節,正呀!

藝人湛琪清(Jessica)對今個農曆新年十分期待,因為她有份拍攝的賀歲片《肥龍過江》終於上映,她在戲中飾演翻譯,跟表姐夫甄子丹有不少對手戲,她開心從對方身上學到不少東西,同時亦大感壓力:「我好畀心機,唔想令佢丟臉,不過我都多NG,因為我廣東話唔叻,我係用拼音去背對白,有時唔明某句對白嘅意思,所以對白同表情會唔夾。(子丹對你惡唔惡?)有少少,佢好專業,都係為我好,會畀好多意見我。」講到新年願望,她計劃多開一間美容院及學好廣東話:「朋友都話我廣東話渣咗好多,所以我下令老公要同我講廣東話。」

另外,Jessica有意減少喝酒以調理身體,不過,她認為節日時小酌怡情,所以特別調配了兩款雞尾酒應節,包括以砂糖桔調製的「大吉大利」,以及用玫瑰糖漿及雜莓製作的「花開富貴」,非常好意頭。

場地:The Poet

服裝:Sandro