湊成「好」字!余文樂興奮宣布老婆佗B女

藝人余文樂與「台灣皮帶大王」千金王棠云婚後育有一子余初見(Cody),早前佢特意揀喺父親節宣布再度做爸爸,別具意義。今日兩公婆舉辦BB性別揭曉派對,仲喺社交網叫大家估吓第二胎係仔定女,其後佢上載一段短片親自宣布。

第二胎性別揭曉!

片中一家三口都着上白T-Shirt家庭裝,之後余文樂將氣球刺破,當佢見到飛出粉紅色氣球時忍唔住大叫,非常興奮!得知即將迎來「前世情人」嘅佢亦留言:「雖然我其實男女都無所謂,可是知道是女孩那一刻,突然又很興奮!!!」好多網民都紛紛留言恭喜佢正式湊夠個「好」字!

係粉紅色!係女呀!
余文樂難掩喜悅興奮到大叫,點會冇所謂呀~