港姐2020首輪真人面試 呢班參賽者係嚟鬥騎呢?一文睇真啲...

今屆香港小姐因疫情關係改喺網上面試,上星期已經完成網上部份,今日一班參賽者要親身去電視城進行首輪面試。首輪面試過後有幾位參賽者比較有冠軍相,包括郭栢妍及廖慧儀,唔少網民都覺得佢哋係大熱。有大熱就當然有騎呢組別,等我地同大家一齊睇下啦!

現年27歲嘅Sylvia,上年已經參加過,今年再接再厲。今次著住鮮黃色連衣裙,十分突出。

香港小姐首輪面試

Lulu着到好似去沙灘多過去面試,鮮紅色一字膊連身裙,再加埋頂草帽。另外,仲有網民話佢同《海賊王》路飛嘅造型撞晒。

香港小姐首輪面試

又有一位著咗紅色上身加條牛仔裙,加埋條馬尾,好似去行街咁款。

香港小姐首輪面試

23歲嘅Yuki,可能平時少化妝,面試日面青口唇白,好似就快暈低。

香港小姐首輪面試

以普通話溝通嘅周少褀,年紀輕輕得19歲,但著住條顯老花裙,真係一睇就知係北方佳麗。

香港小姐首輪面試

現年26歲嘅鍾恩淇,自稱任職模特兒和演員,唔知係咪想拉近同其他佳麗嘅年紀,特意穿上花花裙,可惜隻色太殘似地布。

香港小姐首輪面試

23歲嘅阮璟彤,喺德國慕尼黑大學畢業,可能喺外國留得耐,身型都有啲大份。

香港小姐首輪面試

視陳偉霆為偶像25歲嘅關幸敏,係廣東人嚟香港讀書,身穿白色碎花裙, 有一份清純感覺。

香港小姐首輪面試

23歲嘅孔雯蕙,由上海嚟香港讀大學,拎住臨時身份證都嚟參選,睇嚟做港姐真係佢嘅夢想。

香港小姐首輪面試

呢位麗身穿全黑行政造型,著到咁穩陣應該無死,可惜佢扎咗個公主頭,成塊Pizza面露晒出嚟。

香港小姐首輪面試