港姐面試:爆!佳麗驚現怪誕屍新娘

司徒稀琳真係......幾似......怪誕屍新娘!

港姐面試標青靚女好睇,但騎呢組一樣成為焦點。今早天青氣朗,陽光普照下更現真身。就好似現年19歲嘅司徒稀琳,着住一襲白色露膊裙,加上特大黑眼圈,同「怪誕屍新娘」竟有異曲同工之妙,30幾度下,見到依然陰風陣陣,問你驚唔驚!

個樣好攰咁!
大大黑眼圈係佢標記!

唔只「怪誕屍新娘」,同場加映《海賊王》路飛,現年23歲嘅LuLu喺英國返嚟,一睇佢戴呢頂帽同件紅色衫,就知似啦!而LuLu入到電視城更加自信滿滿,拋下一句:「咪當我LuLu!」霸氣到呢!

LuLu同路飛撞Look!
真係咪當佢LuLu喇!