港姐十強明日誕生! 5呎1梁雯蔚認輸蝕預咗被Foul

1 / 5

港姐十強明日誕生! 5呎1梁雯蔚認輸蝕預咗被Foul

梁雯蔚自認細細粒唔夠台型,會坦然面對得失。

【東方日報專訊】應屆「港姐十強」將於明天誕生!日前在台灣Foul剩11個的候選港姐,又要再一次面對被淘汰的殘酷賽制,當中個子最矮、只得5呎1吋的梁雯蔚,坦言做足心理準備被Foul,猶如棄戰!

昨日一眾候選港姐出席big big channel《香港小姐智鬥小明星》,與現場的big big小明星比試IQ常識問題,向來美貌與智慧並重的港姐當然不輸蝕,與小明星過招!11位港姐繼在台灣拍外景期間,面對因賽制而淘汰一名佳麗的考驗後,又再要接受挑戰,因明天將有「港姐十強」誕生,即是又有多一名佳麗被淘汰!

黃凱琪想做Model

在今屆佳麗中最矮、身高只有5呎1吋的梁雯蔚,坦言已做足心理準備被Foul!她早前在台灣接受演技考驗時,曾被導師批評不夠投入及表情生硬,而她亦自覺不夠台型,她昨日對記者說:「會諗吓若果到時真係自己,要點應對,不過都會坦然面對。其實我都有優勝之處,經驗比較多,我都有信心嘅,唔係打定輸數。」而身高5呎10吋、高人一等的黃凱琪卻抱平常心:「總之等公司安排,唔做港姐都有興趣做Model。」至於熱門佳麗何依婷及伍樂怡則充滿信心,不約而同說:「做好自己,因為各人有各人嘅特質。」

邱晴減10磅嫌肥

此外,被踢爆曾參加酒商選美並奪得冠軍的17歲邱晴,昨日淡定表示活動由媽咪的朋友舉辦,剛巧有佳麗臨時退出才由她補位:「我贏係好彩,唔係經常參加選美。(擔唔擔心被淘汰?)我係偏肥少少,之前130磅,依家120左右,我已經盡力,唔擔心被淘汰。」至於被本報拍得與「四眼男」拍拖的張寶欣則解畫:「大家只係朋友,嗰日同屋企人食飯,對方咁啱又喺附近食飯,仲飲咗酒,我就叫佢唔好酒後揸車,我車埋佢咁啫!」

文:影視組