洪永城被黄翠如嘲Size短 女友梁諾妍霸氣回應:我哋開心幸福美滿

洪永城被黄翠如嘲Size短 女友梁諾妍霸氣回應:我哋開心幸福美滿

梁諾妍(Inez)今日(25/11)出席在銅鑼灣舉行醫學美容新店開張活動。Inez透露男友洪永城護膚甚有心得:「佢其實仲貪靚過我又好勤力護膚,每次佢屋企嘅Mask用晒之後,佢都會話畀我知用晒啦,要出去入買,一定要Keep住屋企一定要有存貨,其實佢啲護膚品我都有攞嚟用,咁所以用到差唔多冇,佢就會出去買,其實佢都幾細心㗎。」

提到台慶當晚,男友洪永城玩「真假遊戲」時被黄翠如取笑:「睇過佢全相,佢Size係手指尾咁短」。Inez笑言:「其實佢哋都係搞氣氛,當時睇到都覺得好好笑,其實都知佢哋兩個都認識咗好耐,連佢自己都唔會覺得有唔開心㗎,佢仲好大方同我講笑話:『唔真實嘅嘢有咩好嬲啫』,咁所以其實都冇咩嘢嘅。」(Size真係咁細?)Inez笑言:「唔係呀!總之我哋係開心,又美滿又幸福嘅!」

點擊瀏覽《香港01》更多內容和圖集

你可能感興趣:
黃翠如爆洪永城Size短接四百宗投訴:我係需要負責任
【台慶2019】黃翠如自爆曾飽覽洪永城全相:我睇過佢先鍾意蕭正楠