洪永城被湯洛雯恰搵人打救

東方日報
洪永城被湯洛雯恰,一臉無奈。

藝人洪永城近日於不同劇集中均成為被恰對象,昨日出席宣傳活動玩遊戲時,被湯洛雯蝦,難怪他笑指要搵師傅於「恰運星」上作調整。而身為劇集女主角的黃心穎,則未有現身宣傳。

經歷一波三折的無綫劇集《丫鬟大聯盟》鐵定本月30日播出,洪永城(Tony)、湯洛雯(靚湯)、劉思希、莊思明等昨日出席宣傳,監製歐耀興對該劇終能重見天日表示開心,但暫未安排黃心穎協助宣傳,亦不會為此怪責對方,揚言戲內外均欣賞她。

演員穿上古裝玩遊戲,靚湯不時恰Tony,場面惹笑!事後Tony對於被拍檔恰表示無奈,他指於另一套熱播劇《多功能老婆》又被朱晨麗恰,就連下月播出的《黃金有罪》,亦是被蕭正楠恰,他說:「真係想趁呢段時間睇吓師傅,喺個『恰運星』上面調整吓!」雖然於角色上頻頻做下靶位,幸他笑指現實中未有被女友恰。談到劇集女主角心穎未有現身宣傳可感可惜?他尊重公司決定:「佢自己或者公司嘅狀態唔適合同大家見面住,睇吓下次宣傳見唔見到佢啦!(有冇聯絡佢?)冇乜機會。(嬲佢?)梗係冇,開頭係有少少失望。」

劉思希生擒謝東閔

演丫鬟的靚湯與思希於劇中齊齊爭奪謝東閔,思希自爆其角色開放,會以肚兜上陣生擒對方,惟對方無論戲內外也零反應,令她失落了幾個月。對於角色甚有挑戰性,她自言與自己純潔又真的性格反差很大。談到眾人於宣傳上似避談心穎?她與靚湯同聲否認,靚湯更說:「唔會,心穎個樣都喺布景板中間,公司亦冇叫唔提得。(心穎冇到場可惜?)我哋都揸唔到主意,畀啲空間佢啦!可能佢嚟會有壓力,就等佢舒服啲先再參與。」提到剛以4千多萬買別墅,她不諱言沒想到消息會如此快通天,當中包括了詳細地址,其家人為此有微言:「首次做業主屋企人有幫忙,我希望付出多啲,畀到屋企人生活好啲!」問到思希會否考慮入市買樓?她笑說:「我又唔係富二代,只係『負二代』啫!」

劉思希在劇中會以肚兜上陣,生擒謝東閔。
劇集能重見天日,湯洛雯出動谷劇!