洪永城擅加摸啜戲?封嘴避談

東方日報
洪永城與朱晨麗合演夫婦,卻爆出有人擅加摸啜戲。

已名草有主的藝人洪永城最近捲入是非,被指拍劇時自行加添跟女拍檔親熱的戲份,令不少女星聞「城」色變。

新上位的洪永城(Tony)是無綫力捧的藝人之一,過往曾夥拍不少小花包括蔡思貝、黃心穎與朱晨麗等,早前於劇集《多功能老婆》與朱晨麗飾演夫妻,竟成為「鹹豬嘴」嫌疑人物!朱晨麗早前呻拍該劇時,Tony自行加錫戲,每次都毫無預告下咀拍檔,令她「嬲嬲豬」:「有一次突然錫落嚟,我都唔知點反應,如果唔係Roll緊機,我實推開佢。」另一次則加插摸戲,朱朱直言拍戲時表現得好Enjoy,但心裏則不停諗「摸夠未」!

怨女方周圍唱

朱朱其實已不止一次爆料,早前與洪永城出席電台節目時,曾兜口兜面指為跟他拍一場咀戲而擔心很久:「拍嗰時擔心佢咀太耐,同驚佢伸脷,怕佢情不自禁,你知佢幾大膽啦!所以拍之前拉埋佢同監製陳寶華商量,寶華姐就下令洪永城要點到即止!」當時Tony即時面紅說:「冇乜澄清,呢啲叫愈描愈黑。」原來Tony一度為此嬲爆,周圍唱朱晨麗「大嘴巴」令他形象受損,兩人關係跌至冰點!

對於種種傳聞,洪永城回覆記者稱不想事件繼續發酵,故不作回應。

朱朱拍親熱場面看似Enjoy,內心卻不好受!