洪永城失憶情人見家長……抵打!

東方日報
洪永城自認不是滿分男友,會努力學氹女友。

藝人洪永城於新劇演絕世好男人,對另一半千依百順,但他自言現實中經常「失憶」,忘記重要日子不在話下,連約定女友家人食飯亦零印象,認真抵打!現年35歲的他經歷多段感情,揚言與女友已邁向結婚步伐,盡可能40歲前完成人生人事。

洪永城(Tony)於無綫新劇《多功能老婆》飾演零缺點男人,有錢又有靚老婆朱晨麗,乃外界公認的Role Model,劇中他一心一意對待朱朱,奈何對方沒有安全感,故不時被(目及)到實,有苦自己知。Tony笑指已第二次與朱朱合作,大讚對方進步神速:「今次負責同佢嗌交,劇入面朱朱同楊千嬅、陳煒都好高Energy,所以最大挑戰係對住佢唔好笑,因為一笑佢把聲就好豪邁。」

對於「絕世好男人」的稱呼,Tony認為只會於劇中出現,自認現實中仍有待進步:「可以再好啲,爭幾億身家囉!記憶都需要,因為好多時唔記得嘢。(紀念日都唔記得?)係呀!佢會詐型,會話『又係咁,次次唔記得』,不過都係情趣嚟嘅!」他指拍完《多》劇後學懂如何體諒身邊人,因女士心情變幻莫測,當默不作聲時定必有情況出現:「我瀨嘢都發生過,試過約咗佢屋企人食飯,唔記得咗,當女友打嚟講先醒起,即刻推晒啲朋友趕去啦!好在冇遲到,真係抹一額汗!」

畀另一半安全感

自問不懂氹女術的他,已慢慢學懂買小禮物,閒時亦會傳短訊跟女友閒聊,問到過往是否不懂女人心才甩拖?他說:「以前都會做,但每個人相處方法唔同,原來有啲嘢係要畀身邊人安全感,反而女友畀到我安全感,所以我要畀番佢,呢個係成熟做法。(今次呢個係最後?)呢個係邁向結婚,都拍咗差唔多一年。(想40歲前完成呢件事?)好大機會。(旅行結婚?)想簡單為主,始終係兩個人嘅事,會考慮去外地行禮。」

服裝:Hugo Boss@Hugo

洪永城