洪卓立內地開工加強防疫

東方日報
洪卓立沒有脫髮煩惱。

近日忙在上海拍攝「處男」古裝戲的洪卓立,前晚趕回港出席活動。提到武漢爆發不明肺炎,他指工作人員加強防疫:「佢哋會戴口罩、勤洗手,洗手間又多咗洗手液,有時仲會煲薑茶。過幾日我會再上去,當地得3至6度,會帶定好多暖包,起碼唔好畀自己病,又會帶消毒用品清潔酒店房,特別係浴缸,仲有搭飛機戴口罩。」問到戴頭套拍戲,怕不怕甩頭髮?他自摸「秀髮」後笑言:「啲人話唔甩嘅話,點戴都唔會甩,暫時冇呢個煩惱。」

同場的許廷鏗宣布好消息,再度憑《我們與愛的距離》獲歌曲獎:「係加拿大一個頒獎禮,好開心咁遠都有Fans聽我嘅歌,想去當地開騷。」又透露正入紙再申請紅館開騷,視張學友為目標,想舉行百多場巡唱:「堅持四面台,上次做完有鋪癮,天王巨星都係開四面台成名。」