洛兒黑夜女神 偏要揀乖仔

東方日報
近期積極轉型做藝人的洛兒,希望作多方面的發展。

索女DJ洛兒憑靚樣及Fit爆身材吸引大批網友追捧,積極轉型做藝人的她接受性感示人,不介意穿泳衣甚至裸背出鏡!雖然經常在夜店工作,但洛兒自認宅女甚少夜蒲,揀男友亦最緊要「乖」!

在DJ界人氣爆燈的洛兒,曾連續兩年成為中國區排名頭五名女DJ,在網上擁有20萬Fans大軍,近年轉型做藝人,曾參與無綫節目《美女廚房》做「美女學徒」,最近則錄影ViuTV真人騷《辣伙頭》。

夜場打碟要性感

對於被封做性感女神,洛兒直言在夜店打碟時當然要性感,平日則愛運動風。講到近月狂甫泳衣相上網,她笑說:「想曬黑啲轉Look,所以去沙灘順便影相,點知網友反應咁好,於是就甫多啲,不過我覺得身形未夠好,上半身好似夠瘦,但下半身仲係肥,要跑多啲步。」

因工作關係,洛兒經常引來狂蜂浪蝶,她直言揀男友首要條件是「乖」:「我係為咗工作先去夜店,做完嘢就走,平時係宅女,唔鍾意男仔蒲,性格亦唔好咁情緒化。」

那麼洛兒屬於哪一種女友?她自認黐身,但對男友則持雙重標準,她笑說:「你唔可以黐我,但我想黐嘅時候就要畀我黐。(會成日Check住另一半?)唔會嘅,識自己報到就得!就算單獨約女仔都可以同我講定,絕對唔可以呃我,否則畀我發現就死梗!」

想與黃宗澤談情

講到事業發展,洛兒直言想作多方面嘗試,最想拍愛情片及笑片:「我OK搞笑o架……但多數畀人笑白癡!」想揀哪一位男神拍愛情片?她說:「最好梗係美國隊長同雷神啦!如果香港,我之前客串《守護神之保險調查》同黃宗澤合作,演情侶會揀佢,佢幾搞笑。」至於拍戲性感尺度,她表示穿泳衣甚至裸背都OK。

Profile

年齡:27歲

身高:1米68

三圍:34C、25、35

嗜好:打機、煲劇、玩貓

場地:六公館

別以為洛兒愛夜蒲,原來是三步不出閨門的宅女。
黐不黐身由洛兒說了算,男友冇得話事。