【波士早晨】陳慧珊被消失欠人情味? 監製關永忠:好似一路都係

1 / 1
【波士早晨】陳慧珊被消失欠人情味? 監製關永忠:好似一路都係

沉底3年的倉底劇《波士早晨》終於見街,可是卻被TVB由20集再Cut變成15集,反映了倉底劇的命運。而《波士早晨》是由去年已離職的關永忠監製,問到其作品被cut,他當下的回應是:「我連套劇要出街都唔知,佢哋(TVB)都冇同我講。」

關永忠直言離開TVB之後,除了有部份台前幕後尚有聯絡,就算劇集出街,TVB有關管理層都沒有主動聯絡:「都好耐冇聯絡喇!佢哋有啲咩安排我都唔知道,就算剪走嗰五集,都唔係我剪。(劇集活動都冇邀請你去?)真係冇呀。」當關永忠後來得知劇中女主角陳慧珊在海報「被消失」,他表示好奇:「係咩?我冇留意呀…不過公司點樣安排啲資源,劇集點樣剪,都唔係我決定㗎。」人去茶涼,問到TVB如此舉動是否有點冷漠?關永忠坦言:「其實好似一路以嚟都係咁…我指佢哋可能政策問題,所以要咁樣做,令到大家有咁嘅感覺。」

離開TVB之後,關永忠目前還是自由身,周不時會接工作:「打工仔諗法,邊度搵到錢就會去邊度。所以冇話要去邊度發展,有時接到喺香港做嘢,就係香港;接到要上大陸,就去大陸。」至於收入會否有變動?關永忠說:「冇刻意去計多定少,都叫做過到生活。以前喺TVB好在糧期準,就會穩定啲;而家就會自由啲,想接咩就接咩囉。」既然TVB比較穩定的話,如果對方叫他回巢,又會否考慮?關永忠想也不想地說:「唔會喇…其實我都幾Enjoy而家嘅工作同生活。」

點擊瀏覽《香港01》更多內容和圖集

你可能感興趣:
【情人節】袁文傑拍拖七年霸氣第一次送花 女友張潔蓮感動到喊
【大埔公路翻九巴.觀點】事故現場退一步 守住傳媒職業道德底線