《法證IV》竟然仲有黃心穎身影!


大家有冇睇呢幕?

藝人黃心穎因為「安心事件」,搞到《法證先鋒IV》要湯洛雯頂硬上,要刪走心穎嘅戲份同埋重拍先可以出街!

個背影就係心穎!

話說,日前播出嘅一集,有網友發現有心穎嘅身影!見到一幕Office戲,見到徐意(黃心穎同湯洛雯嘅角色)背影,但呢個背影嘅身形,明顯唔似湯洛雯,而係畀佢瘦嘅黃心穎!仲有有網友發現徐意入房時着鞋同出房時嘅鞋唔同!有網友估計係為咗慳番啲補拍場口,所以只係搵湯洛雯演獨腳戲,之後再剪番落去,咁就可以慳多啲人力物力。

湯洛雯背番啲單頭。
補拍真係唔簡單㗎。

監製梅小青承認個身影係心穎嚟,佢話補拍有好多限制,覺得今次係一個挑戰,佢仲爆料有啲鏡頭係用CG遮咗,唔知大家睇唔睇到呢?

梅小青話仲有鏡頭用咗CG嚟遮住。