《法證IV》剝剩黑Bra!趙璧渝試過戶口唔夠$100

《法證IV》剝剩黑Bra!趙璧渝試過戶口唔夠$100

繼日前東網為大家重溫無綫劇《法證先鋒》系列嘅經典場面,現正熱播嘅第四季亦有唔少鏡頭成為歷史,好似尋晚播出朱晨麗喺天台勇救服食迷幻藥而除剩黑Bra嘅女子,呢一幕成為網民熱論話題,「黑Bra女」隨即被起底,佢就係趙璧渝。

現年30歲嘅趙璧渝(Osanna)身世坎坷,自小父母異離,母親身兼父職獨力照顧家姐、妹妹同自己三個女,趙璧渝為減輕媽媽負擔,就學期間已出來做兼職幫補家計,一次舞台劇工作令佢愛上演戲,20多歲毅然放棄學業,參加第26期無綫電視藝員訓練班入行。

就算家境一般,趙璧渝堅持向夢想進發,可惜演藝生涯絕唔容易,入行7年大多數都係「行行企企」,甚至連一句對白都冇嘅角色,更曾經工作量少,試過戶口存款唔夠一百蚊!近年開始有「屬於」自己嘅角色,早前於《白色強人》中飾演急症室女醫生Jackie而受到關注,曾參演《愛.回家》、《城寨英雄》、《律政強人》、《解決師》等劇集,稍後播出嘅新劇《逆天奇案》亦有佢嘅演出,加油呀!