《法證Ⅳ》2月播黃浩然嗌感恩

東方日報
黃浩然拍足半年的《法證先鋒IV》,終於有得播!

黃心穎偷食人夫許志安,因而被飛出已拍竣的新劇《法證先鋒IV》,有關她的戲份都要重拍,其角色則由湯洛雯頂上。同劇演員曾擔心劇集淪倉底貨,但最近無綫已完成劇集的後期製作,並安排於2月17日首播,接檔張兆輝與姚子羚等的《黃金有罪》。

有份演出《法證IV》的黃浩然昨日回應:「當然好開心,因為用咗半年拍攝,亦都非常感激,感恩公司用咗好多資源去拍攝同重拍,今次角色同劍雄剛剛相反,希望觀眾一樣鍾意。」而湯洛雯亦很開心:「因為係大家拍咗好耐嘅成果,其實我冇其他人拍咁耐,只係拍咗一個月。呢部劇係好多人嘅心血結晶,我都緊張,希望出嚟效果好。」