《法證先鋒IV》Dr Man至親秋姐被殺 李施嬅演技大爆發 網民:喊晒,心都噏埋

李施嬅

由黃浩然、李施嬅、譚俊彥、陳煒、朱晨麗及湯洛雯等人主演嘅無綫劇集《法證先鋒IV》播出以嚟都深受觀眾歡迎,收視及口碑都非常好。除咗查案劇情非常緊湊之外,一眾演員嘅演技都令劇集加咗唔少分,李施嬅就係其中一位,佢噚晚嘅演技更加係大爆發。

劇集喺聽日就會播出大結局,而噚晚就講到娟姐(羅蘭飾)、秋姐(謝雪心飾)及高善(張曦雯飾)為阿秀(李綺雯飾)嘅公關公司行婚紗騷,不過喺綵排後清秀同秋姐就被殺死,伏屍喺婚紗店嘅試身室。雖然秋姐同Dr Man係主僕關係,不過佢哋一向情同母女,當Dr Man(李施嬅飾)到達現場並知道秋姐死訊後,佢即時受到好大嘅打擊。之後,Dr Man仲要為秋姐進行解剖驗屍,喺驗屍前堅強嘅佢諗起佢同秋姐之間嘅回憶,終於忍唔住當場崩潰大喊。之後,佢仲強忍淚水進行解剖,仲話會幫秋姐搵到兇手。喺兩場戲中,李施嬅都完美演繹親人離世嗰種痛,成功打動觀眾,真係睇到大家喊晒同心都噏埋。

喺今日,李施嬅就喺社交網站留言話:「今日一開機就睇到很多留言,都係話尋晚睇法證睇到喊。知道你哋喊,我都好感動。謝謝又再給我源動力 」,之後唔少網民都紛紛留言大讚佢演得好好:「集集都比你感動到,喊左」、「昨天那幕真的很感人」、「演的太好了!!」、「你做得好好,令人好揪心,好心up」、「昨晚睇到喊,好好戲!」、「好催淚ah」、「你做得好好 先搞到我地感同身受 就黎結局好唔捨得Mr Man」、「好有感染力 我一邊看一邊哭 當你推開門入去那一刻 你見到秋姐冰冷冷躺在那里 你心好痛 跟住我看着也身同感受 眼淚嘩啦啦流 想起了我的親人也離開了我」、「你做得好好呀,最佳女主角」及「看你憋住氣忍住淚水驗秋姐屍體 心好痛」等等。

《法證先鋒IV》截圖
《法證先鋒IV》截圖
《法證先鋒IV》截圖
《法證先鋒IV》截圖
《法證先鋒IV》截圖
《法證先鋒IV》截圖
《法證先鋒IV》截圖
《法證先鋒IV》截圖