【法證先鋒IV】眼前一亮!「頭皮」吳卓衡飾殺人犯演技獲激讚

《法證先鋒IV》截圖

吳卓衡呢個名大家可能覺得有啲陌生,不過如果話佢就係飾演《大醬園》嘅「榆少」,又或者係《愛‧回家之開心速遞》嘅「頭皮」,係咪即時有返印象呢? 而家連《法證先鋒4》都見到佢嘅蹤影,吳卓衡喺劇中飾演殺人犯翟家軒,噚晚講到佢見到目標俾車撞到嗰刻個樣勁奸,睇到人心都寒哂。之後去到差館講起自己個身世同點樣扮女人嘅動機。佢一時喊一時目露凶光,真係少啲功夫都做唔到,佢嘅演出令人眼前一亮。

《法證先鋒IV》截圖

現年22歲嘅吳卓衡係無綫「小鮮肉」新人,曾經被韓國經理人公司發掘,不過因為同時收到電影《熱血合唱團》嘅電話通知獲選,所以放棄去韓國發展。未有完成大學課程嘅吳卓衡,喺《熱血合唱團》拍攝後,佢被無綫發掘其後成為邵氏旗下藝人。呢幾年佢都有參與唔少劇集拍攝,例如《特技人》、《解決師》、《包青天再起風雲》、《愛‧回家之開心速遞》、《大醬園》及播映中嘅《法證先鋒IV》等等。

夢想成為演員嘅佢,原來出身於醫護世家,爸爸係急症室醫生,吳媽媽開設醫療公司,而公公、婆婆都係中醫。由細到大父母都對佢重點栽培,中學就讀名校,除咗專注學業外,仲加入唔少運動隊,例如田徑、游泳及足球隊等,佢仲考咗羽毛球及攬球教練牌。

唔少網民睇完佢嘅演出後,紛紛喺社交網站留言大讚佢:「做得很好,努力,加油 」、「加油,頭皮」、「頭皮你做得好好呀!加油!」、「係演得好好,好欣賞你~睇到你嘅眼淚,自己都忍唔住,加油!我己變成了你的粉絲」、「眼神夠凌厲,演技一流 繼續加油」、「得好好 啲眼神同微表情都做得好好!要繼續加油!」及「如果唔係知道你係邊個,完全唔會認得你就係頭皮,口供房嗰幕做得好好 btw, 希望頭皮會有感情線xD」等等。

《法證先鋒IV》截圖
《法證先鋒IV》截圖
《法證先鋒IV》截圖


吳卓衡
吳卓衡
吳卓衡
吳卓衡
吳卓衡
吳卓衡