《法證先鋒IV》林子超搶眼 盤問室剖白喊戲獲網民大讚

《法證先鋒IV》截圖

無綫重頭劇《法證先鋒IV》喺前晚首播,第一個故事就已經搵嚟多位資深演員客串助陣,例如有謝賢、米雪及呂珊等等。佢哋好戲就預咗啦,估唔到林子超所飾演嘅殺父兇手都令人眼前一亮。噚晚嗰集就講到孝順仔黃誠康(林子超飾)外表斯文乖巧,點知為咗阿媽而殺老豆,特別係佢喺警局被盤問嗰場戲,由否認殺人到認罪嘅喊戲,真係睇到觀眾完全感受到佢內心嘅痛,唔少網民仲大讚佢演得好好。林子超就話為咗拍呢場戲,佢經常幻想各種殺人動機,每晚給自己一個喊嘅原因,仲話多謝監製梅小青俾呢個機會佢去駕馭呢個角色。

現年30歲嘅林子超拍劇雖然唔多,但佢係香港演藝學院修讀現代舞文憑畢業。佢原本諗住去無綫做舞蹈員,不過自己又好想演戲,所以就新加坡進修舞台音樂劇。畢業後就返香港參加now TV嘅主持選秀比賽而入行,又試過做Freelance,曾經窮到要問屋企人借錢生活,不過屋企人都無怪佢,後來佢都還清向家人借嘅錢。為維持生計,子超仲教2至6歲小朋友跳舞,到而家教咗三年。直到17年,佢終於有機會拍劇,喺《宮心計2深宮計》飾演心腸歹毒嘅太醫學徒陳茗風,當時佢都非常搶戲,仲令一班觀眾對佢恨之入骨。

《法證先鋒IV》截圖
《法證先鋒IV》截圖
《法證先鋒IV》截圖
《法證先鋒IV》截圖
《法證先鋒IV》截圖
《法證先鋒IV》截圖