《法證先鋒IV》接《黃金有罪》棒2月播出 暗示李施嬅有望拎視后?

李施嬅

無綫新劇《黃金有罪》正在熱播中,劇集由張兆輝、蕭正楠、洪永城及姚子羚等主演,以70及80年代作為背景,講述舊香港情懷。劇集已經播出幾集,觀眾反應不俗。劇集監製梅小青喺社交網站證實重頭劇《法證先鋒IV》將會接《黃金有罪》棒與2月17日8點半出街。

李施嬅

《法證先鋒IV》搵嚟黄浩然、李施嬅、譚俊彦、陳煒及朱晨麗等人主演。不過由於第三女主角黃心穎被爆出「安心事件」嘅關係,所有佢嘅戲份由湯洛雯頂上補拍,連已離巢嘅李施嬅都要返嚟拍。有指劇集原本計劃喺台慶期間播出,所以早前亦喺深夜時段播放《法證先鋒》系列,似係為劇集鋪路。但最後劇集推遲咗3個月,被安排喺炮灰檔期出街。

一年一度嘅《萬千星輝頒獎典禮2019》將於星期日(12日)舉行,大家最關心嘅一定係視帝視后花落誰家,而《金宵大廈》李施嬅就被視為今屆嘅視后大熱,唔少網民睇好佢可以榮升視后。話晒《法證先鋒IV》都係李施嬅嘅告別作,而無綫有安排劇集喺2月出街,唔通暗示李施嬅有機會拎視后?

如果大家想知邊位會奪得視后寶座嘅話,就要密切留意星期日嘅《萬千星輝頒獎典禮2019》啦!

《金宵大廈》劇照
《金宵大廈》劇照
李施嬅
李施嬅