沈殷怡貪得意 最冧哨牙仔

東方日報
沈殷怡讀Law出身,原來又懵又搞笑。

ViuTV藝人沈殷怡,近月成為不少網友心目中的新進女神,在其斯文外表下,原來很多事都令人估唔到!修讀法律的她,其實勁大頭蝦又愛搞爛Gag,揀男友則不用靚仔,反而最愛哨牙仔!

沈殷怡曾在劇集《詭探前傳》飾演鄭少秋女兒,又參與陶大宇烹飪節目《辣伙頭》及旅遊節目《金剛旅神團》,憑率直性格及豐滿身材,吸引不少男網友熱捧!

修讀法律的她形象知性成熟,但笑顏相當親切,有股令人溶化的力量,她自爆大頭蝦一面:「我出街成日漏低嘢,試過趕得滯只係拎電話就返屋企,成個袋漏咗喺朋友度。我又成日跌嘢,跟住我真係好多嘢執o架!」她還自認搞笑,愛講爛Gag:「雖然有時令到氣氛仲冷卻,但唔緊要。我都想拍吓喜劇,因為之前啲角色下場都比較慘。(扮醜有冇底線?)咁要睇吓我個行山節目喇!冇一個鏡頭係靚,因為行到筋疲力盡,全部都係驚恐狀態中。」自小已甚有表演欲的她,曾參加合唱團、歌唱比賽及朗誦比賽,習慣在台上成為焦點,練到大膽不怕醜。

便便咖喱食到崩潰

談及擇偶條件,殷怡的答案令人意想不到!除了「高白瘦」外,原來她至愛「哨牙仔」!她笑說:「我覺得咁樣好得意!每個閨蜜知我呢個喜好都反白眼,但一定唔會同我撞!至於內在就要細心體貼暖男系。(最唔接受咩缺點?)Un腳!讀書嗰陣有同學好鍾意Un腳,令我哋成排同學都好唔舒服。」

最近她因《金剛旅神團》而曝光率急升,她覺得是一次很好的訓練,因之前多主持資訊節目,今次學到輕鬆貼地的主持方法,亦從金剛及其他女拍檔身上學到不少東西。問到難忘事,她笑說:「屎味咖喱!之前未食過屎,真係人生第一次,我好似將成個廁所塞咗入口,仲要扮冇嘢,其實內心崩潰,之後成日都唔敢同人講嘢!」

Profile

年齡:25歲

身高:1米72

三圍:36C、25、35

興趣:唱歌、睇日劇

晒女人味又得,賣萌又得,真係冧死粉絲!