汪明荃加入ViuTV世盃團拉Banner即閃

東方日報
成班人本來浩浩蕩蕩影大合照,不過Banner一出,汪明荃、馬海倫同張兆輝即刻冇影。

藝人曾志偉昨日與ViuTV率領明星足球隊出發去俄羅斯睇世界盃決賽,認為無綫不會介意。而汪明荃以羅太身份現身,為免尷尬,拒受訪不黐貼紙,影大合照時則避席。

一班藝人浩浩蕩蕩現身機場亮相「ViuTV x 明星足球隊世界盃決賽之旅」,準備去俄羅斯睇波,除了明星足球隊外,還有無綫藝人汪明荃、馬海倫及邵氏藝人張兆輝,他們都沒有貼上ViuTV貼紙,汪明荃更索性避開ViuTV的Banner及大合照。

羅家英與汪明荃拖手恩愛現身,後者事前已向公關表明不受訪,以免尷尬,而家英為太太護航:「佢用羅太身份跟羅生去睇波啫,可能佢擔心俄羅斯太多靚女啦!」

曾志偉想做港姐騷

至於志偉被問到與無綫高層余詠珊曾傳不和,他說:「梗係唔會,佢同我、杜之克都係舊同事,不過少少嘢已經好多人傳。(話你唔滿意港姐有部分係錄影,今年如果錄影做唔做?)都未知咩形式,有份做嘅話就想參與多啲,我都隔咗一、兩年冇做港姐。(今年未必有外景?)我都未知,等我返嚟香港,再返TVB睇吓有冇份做先啦!(未來會唔會同ViuTV合作?)未來嘅嘢大家唔知。」提到今次隨ViuTV大隊出發,他表示有看到網民的洗版式留言。他又激讚大會大手筆,包機票及靚位門票,問到事前可有知會無綫?他說:「OK啦!大家都明白嘅,唔會咁小器,都唔係咁大件事啫!」

羅家英同汪明荃手拖手到場,超恩愛!
志偉有得坐靚位睇波,激讚大會安排周到。