江若琳讚有驚喜 JW:好藝術!

東方日報

Kay曾揚言今次的紅館演唱會演出破格,前晚捧場的圈中人有JW、江若琳夫婦、蔣祖曼,他們對Kay的演出讚不絕口,JW大讚畫面設計有心機好靚,表演好藝術及特別:「好鍾意佢整個木板設計,以為台上得佢一個,但一打開個木板就見到大樂隊喺後面,成個表演好有麥浚龍味道!」

江若琳亦表示很喜歡個騷,大讚特別,不同一般紅館演唱會:「有故事性,每一Part都有驚喜,歌單、舞台設計同樂隊都好鍾意。(有歌迷投訴個騷。)每個騷都有人鍾意有人唔鍾意,我覺得個騷一啲都唔悶,我覺得好值得。」蔣祖曼則在社交網留言,表示抱着獵奇心態入場,還是被震懾到:「沒有嘉賓沒有Dancer沒有大走位沒有吹水飲水位的情況下,單純用音樂交流,繼續Goodshow琪琪。」