江美儀爆亡犬「化身」狗女再相伴

東方日報
江美儀表示會帶愛犬聽佛經。

寵物界「星媽」江美儀昨日與一對「仔女」出席狗狗步行籌款活動。自認狗奴的她表示會帶同已皈依的愛犬參與法會聽經:「師傅覺得佢哋好乖,識坐定定,之後想教佢哋拜佛,希望來世搵個好人家。」她大爆狗女Tina是已故愛犬冬冬的「化身」,兩犬習性同出一轍,細個模樣更是「餅印」,而此「秘密」是由做動物傳心師的好友告知,並說:「當年冬冬臨離開嗰陣,佢同我講冬冬想要張床、薄墊、做狗醫生條巾,同埋想食雪糕,呢啲係我哋兩個先知,所以我信佢。」

同場還有出名愛護動物、積極推廣環保的郭秀雲及兩隻愛犬,講到近日澳洲因山火蔓延,估計有5億野生動物不幸喪命,她大表心痛:「全世界都心痛,但有咩可以做呢?全球嘅領導人應該喺幾年前就要做嘢,呢刻唔好只係講政治,環保最緊要!」

郭秀雲帶兩犬出席慈善活動。