江嘉敏發酒癲坐橋邊 丁子朗「執屍」:成身奶味!

東方日報
丁子朗被江嘉敏的「嘔吐物」搞到成身都係!

藝人江嘉敏與丁子朗日前為新劇開工,扮演醉酒被人「執屍」的嘉敏要危坐天橋,險象環生,而本身對酒精敏感的她更搞到事後出疹,認真「搵命博」!而子朗則被「嘔」到一身黐立立,直言成身奶味,苦不堪言。

丁子朗與江嘉敏近日忙於為無綫新劇《七公主》開工,日前深夜台前幕後到九龍灣「志明與春嬌橋」拍攝二人初遇戲份,劇情交代嘉敏醉酒危坐橋邊,子朗懷疑她自殺,即不顧一切撲前勇救佳人,二人墮地慘變「脆麻花」,子朗更被「嘔吐物」搞到一身都係,場面尷尬。

搞到見「紅」

為投入演出,嘉敏藝高人膽大,事關天生對酒精敏感的她因應劇情所需,作勢喝下少許啤酒,原以為沒有大礙,豈料完成拍攝後,發現身體出紅疹!而拍攝期間她綁着威吔坐在橋邊扮「發酒癲」,動作頗大,令人心驚膽戰,連橋下的車輛也嚇得慢駛,嘉敏更應導演要求愈坐愈出,認真專業!

至於丁子朗為「救人」被嘉敏嘔到滿身穢物,雖然只是鮮奶及麥皮的混合物,但「黐立立」的感覺加上汗水,絕不好受!他事後說:「開咗成日工,返到屋企已經好攰,但忍唔住都用咗半粒鐘嚟徹底梳洗,成日凝住個身仲有陣奶味!(以前有冇試過類似『執屍』經驗?)試過有次同朋友去飲嘢,扶佢上到我架車佢就想嘔,最終校低車窗嘔喺出面,但隨住風勢啲異物吹番入嚟,搞到成個seat位都係,結果嗰晚我通宵洗車,印象難忘。」他透露「闖禍者」是圈中人:「我唔講係邊個,大家估吓啦!」

江嘉敏危坐橋邊,睇見都牙煙!
丁子朗勇救江嘉敏。