江嘉敏拍墮樓戲「索家姐」代跳

東方日報
江嘉敏跌落垃圾堆後,「四肢扭曲」扮喪屍。

何廣沛與江嘉敏昨日到炮台山拍攝無綫新劇《食腦喪B》,劇情講述江嘉敏在後巷由高處墮下垃圾堆,變成喪屍後手腳扭曲爬起。模仿喪屍動作的她索晒氣,笑言:「好攰呀,攰過做Gym!(扮喪屍好難?)難呀,我未試過,要請教何廣沛。」何廣沛即笑言:「頭先視察過環境,導演對你好好,放咗好多道具嘅垃圾袋,好乾淨,唔使你瞓地下,我就唔同喇,濕地都瞓過!」

何廣沛習慣捱打

何廣沛笑言江嘉敏由高處墮下時,由「江嘉欣」頂替上陣:「公司準備咗江嘉敏嘅家姐『江嘉欣』(假人)代佢跳,佢家姐仲索,又瘦過佢,哈哈!」又指盡量親身上陣拍動作戲:「OK嘅,我喺好多套劇被人打,經驗好豐富。今次雖然演喪屍,但係一隻勁廢嘅喪屍,都係捱打。」

江嘉敏
何廣沛笑假人靚過江嘉敏。