水鄉女神走娘吸兵 「國產凌凌七」朱晨麗瞓出個未來

東方日報


相信好多香港人都有同樣經驗,走入平民麵店醫肚,幫你落單嘅阿姐好公式化咁問你:「死(寫)得未?」為免被嫌娿哿,求其點咗「墨魚、腩肉、麻辣、三小辣」,佢重複一次:「勿演懶肉麻勒山小」就轉身閃咗。雖然冇同阿姐四目交投,但係佢嘅聲音,嗰句低沉又冇乜感情嘅七分鄉音三分廣東話,真係有幾分似「國產港姐」朱晨麗。


電視精睇劇(抓)頭拆碼


當年朱朱啱啱選完港姐,廣東話發音全靠斷估,身為港姐冠軍連廣東話都唔曉,真係想拉佢浸豬籠!不過喺另一個角度睇,家陣啲「香港救星」多數係普通話人,連教育局局長都話普通話先係「正規嘅語言教育」,朱朱寧願開口夾着脷,晚晚含嘢含到成身濕晒,無非都係練發音,尊重香港廣東話本土文化,亦多得佢拍劇都有呢份堅持,令平時唔睇字幕嘅港劇迷都被迫睇字幕,先解構到「朱朱密碼」噏乜,提供咗一個睇劇學中文嘅機會,香港人中文水準全面提高,真係要向朱朱講聲多謝!


記得朱朱攞「最佳女配角獎」時講過:「希望我哋喺內地成長嘅小朋友,嚟到香港都依然可以打出一片天」,言出必行嘅佢就接咗劇集《特技人》瞓身做打女,計拳腳功夫一定冇「宇宙最強」甄子丹咁堅,但講到呃Like,朱朱簡直完勝!各位不妨上網搵吓「朱晨麗特技人」六隻字,嘩!全部都係朱朱嘅34D爆乳相,張張都係「萬里長城長又長,唔及朱朱乳線長」嘅宅男「J圖」!


朱朱為咗慶祝首次做女一更賣大包,落場打沙灘排球呢啲咁健康嘅運動都搞到人好想「狗衝」,方法好簡單,只要着住件似泳衣多過運動Top嘅裝束,跳上張彈床度殺幾下波,就做到波有波彈、人有人彈嘅滾動腦神經效果。如果嫌打波郁嚟郁去睇得唔清楚,No problem,再着番同款噴血裝出場,擘埋髀攤上梳化擺個「海棠春睡」甫士,任君評論佢個不倒胸!不得不提,佢同譚俊彥嗰場咀戲真係睇到硬晒,講緊個拳頭,好想一拳窩落個Mon度,振臂疾呼:「唔好!停口!還我朱朱!」朱朱唔係馮盈盈口中「係雞、係公廁」,真正身份其實係識特異功能「吸睛大法」嘅特務!


捱足七年 兵哥排隊追


來自蘇州嘅朱朱,16歲就好似《國產凌凌漆》嘅特務阿漆一樣,初來港時都係瞓百呎劏房,同老鼠、曱甴做室友,點知畀佢瞓出個未來,喺無綫捱咗七年就做女一,仲唔係「凌凌七」?有名自然有利,近年由瞓劏房瞓到去千萬豪宅,品味仲提升到開畫廊,以往啲「水鄉儷人」娘味冇晒,家陣啲女神體味吸引到不同社會階層嘅「兵哥」輪住嚟,有身家百億嘅富二代官二代、偷食男黃子恆、公屋仔李日朗、男神馬國明,仲有偽太監何廣沛,朱朱成功為14億同胞做個好榜樣,只要肯搏,山雞都變鳳凰!


Nuts哥

朱朱捱出頭,奪得最佳女配角獎。

 

是日精選

余文樂孖囝囝睇nba熱身賽曬父子情-粉絲-有仔萬事足

何林恬兒獲閨密慶祝生日-上演港版sex-city

星媽親手撮合星二代-杏兒幫囝囝約羨妮女兒去街

張寶兒街頭聽冧歌岑杏賢-巨j-贈興

傳趙麗穎-馮紹峰上月秘婚

水鄉女神走娘吸兵-國產凌凌七-朱晨麗瞓出個未來

苟芸慧夜飛巴黎辦嫁妝

陸永趁老婆生日送貼心禮物-太太被網友封為-幸福人妻

嫁到這世界邊端2-韓國新抱患重病-全靠呢位大哥級藝人承擔醫藥費