毛舜筠逆齡造型被認錯做胡定欣 網民笑稱:你無L嘢呀?!

東方新地 - 娛聞

昨晚,第38屆香港電影金像獎圓滿結束,所有獎項塵埃落定。不過,除咗得獎者成為大家焦點外,頒獎嘉賓意外成為大家熱烈討論嘅話題之一,講緊嘅就係被網呢認錯做胡定欣嘅毛舜筠!

撰文:東方新地|圖片:電視截圖、網上截圖

延伸閱讀:

59歲惠英紅單身22年仍渴望愛情 對小三:你拿去,多謝幫忙!

【金像獎2019】黃明志孖古惑仔Rap爆港產片 仲大玩定格挑戰!

毛舜筠逆齡造型被認錯做胡定欣

話說,噚晚惠英紅、鮑起靜及毛舜筠三位實力派演員組成「三個女人一個墟」,齊齊上台頒發「最佳女主角」一獎,最後由於電影《三夫》有大膽演出嘅曾美慧孜奪得影后之位!

香港電影金像獎2019最佳女主角 -曾美慧孜《三夫》
香港電影金像獎2019最佳女主角 -曾美慧孜《三夫》

然而,唔少網民都錯重點,將目光落喺頒獎嘉賓毛姐身上!皆因毛姐一頭長髮馬尾造型,加上一身低胸銀色西裝罕有性感打扮,大為吸睛之餘,一身造型更目測至少減齡十年,令大眾對毛姐刮目相看!

最搞笑嘅係,逆齡造型嘅毛姐反被網民認錯做胡定欣,笑稱「胡定欣好正」!之後,網民更不斷留言,仲話毛姐「扮胡定欣又幾似」,大家又點睇?

 

雖然大家都「認錯」毛姐做胡定欣,但原來噚晚真正嘅定欣都有出席頒獎禮,見定欣以一頭短髮坐喺台下,相信大家都應該分得出邊個係毛姐,邊個係定欣啦~

另外,網民除咗搞笑咁話毛姐同胡定欣「撞樣」外,亦有網民話毛姐比起昨晚衣著打扮相似嘅千嬅望落更年輕,完勝對方!睇嚟毛姐噚晚性感逆齡嘅打扮除咗令人眼前一亮外,更撼贏唔少在場女星!

延伸閱讀:

【金像獎2019】重溫吳鎮宇歷年經典角色 5度與金像獎影帝擦身而過