毛舜筠全家出動曲奇傳愛

東方日報
毛舜筠唔單止好戲,整曲奇原來一樣得!

金像影后毛舜筠孭住「法國藍帶」廚藝之名,踩過界賣自家品牌曲奇!她用年多時間研究配方,只想透過食物分享愛,不諱言今次全家總動員參與,由設計包裝到曲奇命名,家人眾志成城!為了追夢花費不菲,但她認為十分值得。

入行逾40年的毛舜筠(毛毛)演技早獲肯定,3年前無心插柳到法國讀藍帶廚藝課程,展開追求廚藝的夢想,因過程艱辛一度想放棄,最終克服困難,再到日本、巴黎考試,完成三個學期後,正式成為法國藍帶廚師。

足料色多好重要

毛毛受訪時透露,成為藍帶廚師後,對食物質素要求提升,她常為家人炮製糯米糕、糯米糍、曲奇等小食,之後萌生做曲奇生意之念頭,結果研究了一年多,店舖昨日開幕,家人現身支持,老公區丁平更一早到場布置,非常貼心。

她認為製作曲奇材料很重要:「用好材料、足材料同方法啱就會好味,顏色亦要多,我研製咗八款唔同顏色嘅曲奇,有紅菜頭、紫薯、抹茶、鹹蛋黃等等。」老公區丁平負責包裝,她笑指老公是藝術家性格,慢工出細貨遲遲未交貨,故夫妻不時為設計爭拗,幸無損恩愛。

為圓心願唔講錢

面對同行如謝霆鋒、鄭欣宜、謝寧等賣曲奇,問到如何突圍而出?毛毛表示沒有想過要超越別人,只想保持食物高質素,透過食物分享愛:「市面上大部分都係代言人,我就係始創人,老公係曲奇設計師,成件事家人都參與,好似舖頭係親戚擁有,當然要交租,曲奇盒同包裝係老公設計,囡囡試味,姨甥仔幫曲奇改名,曲奇整大Size都係想大家同家人一齊分享呢份愛。」至於投資了多少?她說:「唔講錢啦,總之為咗完成呢個心願真係用好多錢,但我都想繼續去學,學海無涯嘛!」

場地:Mustard Seed Co-working Space

毛毛賣曲奇,婦唱夫隨,區丁平負責設計。
毛舜筠攞餅派街坊,測試口味?