【武漢肺炎】韋家雄怒斥政府抗疫反應遲鈍:香港人要自救

【武漢肺炎】韋家雄怒斥政府抗疫反應遲鈍:香港人要自救

因武漢肺炎襲港,全城瘋狂搶購口罩,導致市面供不應求,人心惶惶,引起市民不滿,應為政府危機應變不足。戴耀明與韋家雄今日(30/1)現身電視城出席無綫劇集《大醬園》宣傳造勢活動,二人就此事異口同聲表示:「香港人要自救。」

韋家雄直言:「我宜家得番幾個口罩用,盡量都唔出街,我試過搵泰國朋友幫手,嗰邊都限買,一人只可買一至兩個口罩,講真如果冇口罩,有活動都唔出席,呢個時候,政府幫唔到手,我哋惟有自救,唔好諗住人哋幫咁多,宜家都係啲商家提供口罩畀市民,我諗政府都要檢討下,全港宜家七百萬港人奮力抗疫症,我好希望敏捷啲,唔好咁遲鈍。」

對於一些奸商借機將口罩提高幾倍價錢出售,小明直斥:「發呢啲死人財,生仔冇屎忽,喺呢個時候應該一齊同舟共濟,就算加5仙都好唔應該,反而將啲口罩去捐畀人,反而調轉加價,覺得好唔應該。」

點擊瀏覽《香港01》更多內容和圖集

你可能感興趣:
【武漢肺炎】曾華倩IG暗批罷工醫護:要挾醫院運作的所謂前線人員
【武漢肺炎】楊秀惠購入透光口罩 李施嬅不禁問:邊類手術會用?