【武漢肺炎】疫情重挫院線生意 《乜代宗師》有子華神都搞唔掂

【武漢肺炎】疫情重挫院線生意 《乜代宗師》有子華神都搞唔掂

今個新年受「武漢肺炎」疫情影響,內地賀歲片全撤檔,連帶數套電影如:《緊急救援》、《奪冠》(原名:《中國女排》)、《急先鋒》都未能如期上映,內地撤檔連帶香港都冇得睇,就連《肥龍過江》在內地上映的日子都需一改再改,再發展成轉戰網絡電影,相對地則是對戲院有莫大的影響,票房數子亦變得慘淡。

目前在香港上映的電影有《乜代宗師》、《家有囍事2020》、《怪醫D老篤》、《我的筍盤男友》、《變雀特工》、《肥龍過江(2020)》、《1917:逆戰救兵》、《陽光兔仔兵》、《烈火湊仔公》等等,當中2020年1月31日單日,《乜代宗師》上映場次有447場,收$763,189港元票房,平均一場收$1,707,不過相對上映只有308場的《我的筍盤男友》,收$537,503港元票房,平均一場收$2,065,比起《乜代宗師》更高。

原本《變雀特攻》這類合家歡電影啱晒大人小朋友,但根據目前社會狀況,家長都不敢帶小朋友外出、且留在人口密集的封閉環境中,以免一不小心受感染,該戲目前只收$257,413港元票房,平均一場收$1,138,一場約得10個人觀看,甚受影響。

日前黃埔花園確診第13宗「武漢肺炎」個案,有讀者提供資訊,指昨晚大約9:30左右,黃埔戲院未有人入場睇戲,睇《變雀特攻》變相成為2人包場。

記者昨日(1日)到荃灣愉景新城觀察,對比以往的星期六都會有很多家長帶小朋友到該商場,但昨日明顯地人流大大減少,去戲院買飛睇戲的人更是少之又少,戲院生意大受打擊。

點擊瀏覽《香港01》更多內容和圖集

你可能感興趣:
【淪落人】貼地題材港產片吐氣揚眉 躋身2019上半年票房三甲
【復仇者聯盟4】創香港史上最高票房紀錄 《阿凡達2》明年迎戰