【武漢肺炎】《愛回家》演員宣布口罩告急 周嘉洛:頂到兩個星期

【武漢肺炎】《愛回家》演員宣布口罩告急 周嘉洛:頂到兩個星期

「武漢肺炎」疫情並未受控,香港的口罩供應問題又未解決,市民可謂一罩難求。而作為藝人,因工作需要難免要外出和接觸人群,必定要有口罩傍身,到底在口罩搶購潮下,藝人們又夠不夠存貨呢?他們又是用邊一款口罩呢?就以上問題,記者詢問了TVB處境喜劇《愛·回家之開心速遞》的Venus(鄺潔楹飾)、金城安(周嘉洛飾)、細龍太(陳偉琪飾)和KC(歐瑞偉飾)。

鄺潔楹透露早前不幸患上感冒,現在剩下的口罩大概夠用一個月:「早幾個禮拜自己感冒病咗,當時為咗唔傳染畀人就買咗2盒口罩放喺屋企,之後就肺炎爆發,我剩低之前買落嗰啲,我諗可以用多個零月左右。我係用耳掛式醫用口罩,我都想補貨,但太遲喇...年廿九,我喺銅鑼灣見到仲有口罩買,但已經成$150一盒。而家唔只我同香港市民驚,因為呢個病菌散播到全球,都有確診個案,呢個時候要更加注意衛生,我今日(31/1)都開返工拍劇,同事都叫我哋不斷要洗手,我哋不斷提大家要消毒。」

周嘉洛的口罩存貨比鄺潔楹更少,大概只剩40個:「屋企有三個人,仲有40個左右,都盡量建議媽咪留喺屋企,暫時一日一個,都頂到大概兩個幾星期。我係用外科口罩,而家買唔到。」

而情況最危急,存貨最少的可算是KC歐瑞偉,他只剩下半盒口罩(大概25個):「我係用3層標準嘅外科口罩。呢個時候當然難買口罩啦,我都買唔到,只剩半盒存貨。但我没有驚慌,只要做好保護就是,我都唔知邊位同事有存貨!」

而陳偉琪就有別於他們,她採用 N95 濾芯口罩,但家人亦面對口罩存貨不足的問題:「我用緊外國牌子的 N95 濾芯口罩,要經常用噴霧消毒,因為擔心會影響到屋企人的健康,不想帶病菌回家。我都沒有問其他同事,因為大家都口罩短缺,也不想麻煩別人。但是細龍生知道我家人不夠口罩,送了兩包給我,十分窩心。」《開心速遞》的一眾演員感情超好,大家互相幫忙,共同齊心抗疫。

點擊瀏覽《香港01》更多內容和圖集

你可能感興趣:
【開心速遞】「全裸」廢青安被三太包養? 周嘉洛攞獎後照騷Body
【開心速遞】周嘉洛獲最佳男配角冇飄飄然:希望更加孭得起呢個獎