歐鎧淳巡迴練水 唔怕冷落男友

東方日報
歐鎧淳備戰明年奧運,聖誕都要練水!

「女飛魚」歐鎧淳與周柏豪前晚出席活動,提到日前為方力申的45公里環島泳落水「伴游」半個鐘,她笑言對方已成為其偶像,又指小方要在海中10多小時不停游,初初連游泳界的朋友也覺得不可能:「不過小方決定做呢件事就去做,就算佢都覺得冇可能都去做,但原來係做到嘅!呢件事啟發到我,唔好諗咗冇可能先。」提到聖誕,她透露將赴澳洲跟教練練水,其後又到東京集訓,備戰明年奧運:「呢個教練教過一個19歲女孩創下世界紀錄,好開心佢肯收我!我會放低以前自己嗰套,重新跟佢學習,雖然可能出嚟成績會差咗。」問到會否因分開而擔心冷落男友,歐鎧淳笑指對方一直支持她,又稱男友在港有工作,很叻仔呢!