【樂壇不能沒有你】黃宗澤錄新歌復出獲網民「齊撐」

黃宗澤(Bosco)除咗出名靚仔之外,唱功亦出名「了得」!09同陳奕迅喺《勁歌金曲頒獎禮》上合唱陳奕迅名曲《K歌之王》嘅時候不斷走音、唔夠氣到好似哮喘咁,令到一班觀眾網民印象深刻。去到2013年,Bosco又喺《勁歌金曲優秀選》中獻唱,由第一粒音開始走音走到尾,完全貫徹佢走音嘅「天賦」。不過身為「親生仔」嘅佢走音呢啲小事又點會阻擋到佢嘅歌途呢?喺2008,佢曾經簽約東亞唱片做合約歌手,推出首張人個人EP仲要拎埋最受歡迎男新人銀獎。2010年又再推出唱片,兩張唱片都得到金唱片嘅成績,可以見到黃宗澤唱歌實力毋庸置疑。

闊別樂壇多年嘅佢近排上載佢喺錄音室嘅相片,仲寫道:「你們猜猜,究竟我們在幹什麼?」一睇就知係錄新歌啦!

唔少網民都紛紛留言表示支持,例如「支持大佬出新歌」、「期待你」、「期待新歌期待期待」、「其實好鍾意聽你唱歌]]>🎤😍