樂基兒拆彈N年:唔怕影響餵奶

東方日報
有4個月身孕的樂基兒,流露一臉幸福!

懷有身孕的名模樂基兒,昨晚出席活動時身形明顯胖了不少。曾經隆胸和「拆彈」的她,坦言科學倡明不擔心產後餵母乳的問題。對於前夫黎明對她懷孕充耳不聞,她說:「That's fine. It's OK.」

懷有4個月身孕的樂基兒(Gaile),昨晚在港出席PAULE KA 30周年慶祝活動,身穿白色長裙、腳踏兩吋高斗零踭長靴的她,表示重了2.5公斤:「唔知點解自己好似老咗!」她指預產期為明年4月底,下星期檢查才知BB性別,她希望生女,因為可以替女兒扮靚。

唔期望黎明回應

至於會在香港還是美國分娩?她說:「未定,原本想自然分娩,但睇完啲片想水生,覺得好似舒服啲,但一切未定。(佗雙胞胎?)肯定係Single Baby。」她表示與丈夫得知成功造人後,均感到很興奮:「其實試咗一段時間,唔係意外有。」曾於2004年隆胸之後又「拆彈」的Gaile,被問到會否擔心產後影響餵母乳?她說:「唔會,過咗咁耐,依家科技咁昌明,唔會怕影響。不過都未生,未知有冇(奶)。」對於前夫黎明不願回應她懷孕一事,她說:「That's fine. It's OK.」,唔可以Expect(期望)每個人都會回應人哋嘅嘢。(會否交流湊B心得?)之前上咗產前護理,學到兩點No,家長之間唔可以比較,亦唔會問其他人意見。」

林愷鈴未試過拍拖

另外,龔慈恩愛女林愷鈴(Ashley)現時工作學業兩邊兼顧,早前更為歌手洪嘉豪擔任MV女主角,並直言有興趣挑戰拍劇。自爆未試過初戀的她說:「之前畀個期限自己至少18歲先拍拖,愛情可以順其自然。」同場還有時裝設計師郭慶彬、龐景峰及栢天男,柏天男最近為電影密密操肌練身材,笑言胸肌尚有進步空間:「我以前以為自己好大,40吋,希望嚟緊可以練到42吋。」

栢天男要繼續操大隻。
林愷鈴認為拍拖要順其自然。
郭慶彬執到正現身。