楊玉梅重裝備街頭派罩

東方日報
電視城爆武肺驚魂,楊玉梅(右)與陳榮峻夫婦都話唔驚。

藝人楊玉梅昨日帶齊護目鏡、口罩、手套、心口掛有迷你空氣淨化機,現身葵涌派發3,500個口罩,每人可拎五個,她坦言若有充足數量的話,都會自發派口罩:「依家都得一盒,慳口罩就唔出街。」問到可有影響工作?她透露有內地電影及電視劇取消。講到日前有臨時演員於電視城內嘔吐而引起恐慌,她再次澄清:「佢係食太多嘔啫!資訊太多要睇清楚,聽到有人搶水、搶廁紙,真係嚇親!」

同場還有「夫妻檔」陳榮峻及吳香倫,表示稍後會為《愛.回家》開工:「每朝開廠前都會大消毒,所以都唔擔心。」