楊潮凱Encore舊禮都收貨!

東方日報
馬國明笑言要登台呃飯食。

藝人楊潮凱前晚出席品牌活動,笑言即場揀了一個皮製袋給自己做父親節禮物,又說:「正日預咗同屋企人食飯慶祝,記得上年老婆用金色同紅色絲帶綁住囡囡,話係禮物要送畀我。(今年再用呢招就唔Work?)唔係嘅,都幾開心o架!」此外,他透露日前飛馬來西亞影相集,自爆用了23日激減26磅:「減鹽又減糖,過程都好痛苦,相集會喺今年書展推出。(啲相好Sexy?)有肌肉同埋着泳褲!」

同場的馬國明連續拍畢3套劇,笑言鬆一口氣,終於有時間出活動賺外快:「8月先再開劇,陸續有登台騷,去唱歌呃飯食。」提到主演的無綫劇《白色強人》剛播出,他重申劇集有別以往的「師奶劇」,要觀眾慢慢消化理解,暫未留意觀眾評價。

楊潮凱自己揀禮物,一定啱心水!