楊柳青搵女對打互捽藥酒

東方日報
林慧倩原來全程是負傷拍戲。

藝人楊柳青、林慧倩、郭思琳及菁瑋昨日現身主演電影《擊鬥女神》優先場,楊柳青透露是首次跟女生對打:「大家係女仔都身嬌肉貴,怕傷到佢哋,因為有時啲無情力就唔到,但我哋有共識,如果打到都唔好介意,要忍咗佢,我哋有互相幫對方捽藥酒。」

至於首次拍打戲的林慧倩性感現身,她自爆在電影開鏡前一天跟武師練習時已受傷,但不敢告訴劇組及公司,之後一直是負傷拍攝:「扭傷咗大腿同臀部之間嘅筋腱,我當下係郁唔到,好驚,我食止痛藥、做針灸又去跌打館,用盡方法,忍痛完成武打場面。」

楊柳青表示拍對打戲前要有共識。