楊怡佗仔定女 羅仲謙講6個字有暗示?

太太楊怡公布有喜,謙謙首露面去做Gym!

羅仲謙與太太楊怡努力造人下終於佗鼠BB,下午二時許,謙謙獨自驅車離開大埔寓所往健身,記者恭喜他時,他難掩興奮笑笑口說:「多謝,多謝,最緊要大家身體健康!(BB男定女?)唔想講咁多住。」

問到太太是否擔心疫情減少出街?他說:「我出街後都會除晒衫褲做足清潔,唔想帶咗細菌返屋企,阿怡都出少咗街,人多地方唔會去啦,就算出我都會陪住佢,去啲空曠地方,不過嚟緊我都要開工拍劇,(太太係咪好緊張清潔?)我哋平時都好乾淨,(需唔需要撲口罩?)暫時都夠口罩用,有朋友幫手買。」說罷匆匆步入健身室。