楊卓娜掀搶廁紙潮?

東方日報
楊卓娜承認講過紙巾有缺貨危機,提醒朋友買少少。

新冠肺炎肆虐令香港出現恐慌性搶購潮,除了口罩及清潔用品外,連白米甚至廁紙也成目標!近日網上流傳疑似藝人楊卓娜的錄音訊息,稱可能短期內冇紙巾,即被指是觸發搶購潮的源頭。昨日她直認發過相關訊息,自言只是出於好心,想不到被炒作!

現今香港不單一罩難求,就連廁紙也成為搶購目標,超市及供應商已多番澄清供應穩定,呼籲市民毋須恐慌,惟近日網上瘋傳一段聲稱是藝人楊卓娜的錄音訊息,呼籲大家入貨:「我哋頭先去買紙巾,因為我老公個客話我哋知,佢哋係做運輸嘅,佢哋話物流可能有啲停滯,因為封關,短期內冇紙巾,尤其是卷裝紙巾,咁你哋考慮吓自己使唔使買少少啦!如果冇嘅真係要買少少,咁又唔使好恐慌嘅。」聲帶中更提到某些紙巾品牌的工廠位於武漢,因停工影響供應。

「我係出於好心」

由於該聲帶早在搶廁紙潮前已出現,有網民認為是觸發搶廁紙潮的「元兇」!曾多次發文教抗疫、包括自家製口罩的楊卓娜,昨日接受本報電話訪問,承認是錄音的女子,她說:「我係出於好心,叫自己嘅朋友有需要就買少少,好Casual一句說話,就畀人攞咗嚟炒作。(怕唔怕話你引起恐慌?)我自己都冇恐慌,唔會引起恐慌,我冇任何負面訊息喺入面,我習慣用到冇晒廁紙先買,擔心其他人好似我咁。其實唔係我引起恐慌,係我去超級市場嘅時候,見到廁紙畀人掃晒,所以喺群組入面講一句,如果有需要就買啲,我自己都只係買咗三條,因為有六個大人同兩隻狗。」

有份「入貨」撲廁紙的包括電台DJ Donald,昨日他網晒一身防疫Look拿着廁紙,以及一副爛眼鏡的照片,留言:「用渣馬速度去買廁紙,眼鏡都跌爛埋!#大把貨 #多謝超市收銀姐姐話每朝都返貨,早啲嚟啦!」

冇廁紙點同老婆交代呀!(設計對白)
Donald趕入貨出意外
Donald用跑馬拉松的速度衝去買廁紙,結果跌爛眼鏡!