楊千嬅咀人夫零尷尬

東方日報
千嬅同黃浩然演夫婦,咀完又咀。

由楊千嬅、黃浩然、陳煒及朱晨麗等主演的台慶劇《多功能老婆》將於本月25日播出,昨日本有宣傳活動,但因社會問題取消。千嬅與浩然飾演夫婦並育有一子,千嬅直言劇本寫得細膩,帶出女士婚後如何平衡家庭及事業,相信女觀眾一定有共鳴。

提到與浩然有多場咀戲,千嬅指兩人相識多年又曾合作拍戲,所以不尷尬:「我哋有家庭同小朋友,好理解角色,所以拍夫妻生活戲好自然。其實拍完套戲對真實生活都有影響,多咗思考空間,我拍過唔少愛情片,但拍夫妻相處戲又唔同層次,電視劇有足夠長度畀角色成長,容許我演得更細緻。我同浩然、周柏豪嘅感情戲,或者姊妹感情都好好睇,好貼近生活,同浩然幾場嗌交戲都唔同層次。」