森美獲靚女後輩慶生現苦瓜乾樣 巴打:分明就係暗爽梗!

東方新地 - 娛聞

今日係森美45歲生日,而日前就有位好有心嘅靚女後輩提早同呢位壽星慶祝生日,不過森美似乎就唔係好受落,皆因二人合照時,森美成塊面一啲喜悅都冇,究竟係邊位後輩令森美攞住生日蛋糕都笑唔出呢?

撰文:東方新地|圖片:森美Instagram

延伸閱讀:

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

森美獲靚女後輩慶生現苦瓜乾樣

森美今日45歲正日生日,而噚日就已經有人同森美預祝生日,講梗嘅係成日喺鏡頭前同森美鬥嘴嘅後輩麥美恩(Mayanne)。森美就喺個人社交娘留言兼哂相:「預祝生日,真係有福啦!佢同我慶生,行運啦!」,雖然講到咁高興,但張相就影到皺晒眉頭,好難為咁喎!

預祝生日 真係有福啦! 佢同我慶生 行運啦!

A post shared by Sammy Leung 森美 (@sammy903) on Dec 1, 2018 at 8:21am PST



有網友似乎睇穿森美嘅內心,踢爆森美:「扮野……交戲」、「扮哂好勉強,其實有另一張冧爆相自己收藏」,亦有網友叫森美歡容啲,認真爆趣!

細數麥美恩同森美歷年爆笑「冤」源

其實森美同麥美恩嘅「冤」源由Mayanne喺2011年參選港姐時開始!早年嘅Mayanne身材比較圓潤,所以就被傳媒封為「龍躉村姑」,但加拿大返嚟嘅竹昇妹麥美恩一開始誤解咗「村姑」係類似鄰家女孩嘅意思,以為係好嘢!而當年就咁啱係由森美做港姐主持人喇!

麥美恩

森美對「梗頸四」麥美恩冇印象

但隔幾年,麥美恩再上返森美嘅電台節目《公子會》,森美竟然大爆自己其實對當年麥美恩呢個「梗頸四」一啲印象都冇!講返起「龍躉村姑」呢個稱號,森美仲笑到企咗起身!不過喺呢個2015年嘅節目入面,佢哋睇落已經熟咗好多。

當時佢哋點估到之後會咁合作無間!

想當年麥美恩因為相較其他佳麗豐滿的身材,被傳媒封為「龍躉村姑」……

麥美恩回流香港後參加2011年的香港小姐競選,最終奪得第四名。當年冠軍係出爐最「最佳女配角」朱晨麗,亞軍朱希敏、季軍許亦妮。

一齊主持《學是學非放暑假》

麥美恩喺2013年成為綜藝節目《學是學非》的主持之一,經常有爆笑演出,真摯不造作的感覺相當親民,「傻大姐」形象深入民心!而森美就加入咗2014年嘅特別版《學是學非放暑假》擔任隊長。

森美平時串得人多,但喺節目入面就成日俾班是非精玩返轉頭,唔少觀眾都話睇得好過癮!

麥美恩仲玩到成枝水兜頭淋落森美度!成班是非精都笑得勁開心!

除咗森美同麥美恩,主持人仲有馮盈盈、張寶兒、劉穎鏇、梁嘉琪、湯洛雯等是非精。

2016年港姐決賽 森美麥美恩鬥嘴傳鬧不和

喺2016年《香港小姐競選決賽》當晚,森美同麥美恩都係台下星級評判團之一。當時Do姐鄭裕玲就問森美覺得咩人適合做無綫50週年台慶嘅女司儀,森美就搞笑話麥美恩太牙尖嘴利,完全唔得,仲話嚟緊50年嘅台慶都唔想再見到佢!

當時仲因為咁所以鬧出不和傳聞,不過就依家睇返真係得啖笑!

咁啱嘅係!依家嘅《森美旅行團2》主持之一,丁子朗,當年都有以候選香港先生嘅身份出席2016年《香港小姐競選決賽》,過下場咁,好有緣份啊!


「雙美」拍檔多次合作做司儀

雖然兩人好似撈亂骨頭咁,但合作起嚟咁有火花,當然受觀眾歡迎!所以幾年嚟都不時會一齊做唔少大小活動嘅司儀,更包括2017年《香港小姐競選決賽》呢啲無綫盛事!


麥美恩「胸壓」森美

麥美恩仲試過喺2015年無綫台慶「胸壓」森美,簡直Friend過打Band!不過呢位竹昇妹就嚇到人夫森美眼都凸埋出嚟啦!

《森美旅行團》

但令呢對拍檔人氣更上一層嘅節目,當然係2017年開始嘅《森美旅行團》啦!第一輯《森美旅行團》以東京作目的地,除咗森美叔叔,主持人還有麥美恩、高Ling高海寧及心穎BB黃心穎。

但估唔到第二輯就冇咗心穎BB同高Ling!不過呢對「雙美」拍檔就繼續撐住!

《森美旅行團2》直飛關西,主打介紹京都以及近郊景點,主持班底就只有麥美恩可以留低,拍檔換了吳若希及丁子朗。

麥美恩嘅主持風格自然唔造作,成日被人寸都唔會黑面,為咗節目效果,仲不時都會扮醜博觀眾一笑!

Mayanne呢個造型好有喜感!

森美旅行團2

森美扮舞伎嚇親人

勢估唔到森美叔叔都會打扮到咁出嚟嚇人⋯⋯仲要同麥美恩一組去搵路人合照!難怪人哋走都走唔切!

森美大哥……


麥美恩「螢幕初浸」益咗森美叔叔!

喺《森美旅行團2》,麥美恩就自爆入行咁多年都有個遺憾係從未試過獻出「螢幕初浸」!今次終於有機會啦!

不過森美叔就串爆麥美恩,話一個女仔入行咁多年都未被導演叫過去浸溫泉,即係個女仔有問題啦!

大家覺得森美浸溫泉正啲,定係Mayanne嘅「螢幕初浸」有睇頭啲呢?

延伸閱讀:

細數過去13個被大台封殺過的藝人 影帝天后級都冇情講!